Казанда Бөтенроссия «Мәктәп дзюдо лигасы»ның финал этабы ачылды
Бүген «Батыр» дзюдо үзәгендә 26 апрельдән 27 апрельгә кадәр дәвам итәчәк Бөтенроссия «Дзюдо мәктәп лигасы» ның финал этабын ачу тантанасы булды.
Быел сайлап алу этапларында проект илнең төрле почмакларыннан, шул исәптән Оренбург, Самара, Киров, Воронеж, Брянск, Рязань, Чиләбе һәм Мәскәү өлкәләреннән, Карелия һәм Чувашия республикаларыннан, Краснодар һәм Красноярск крайларыннан, Мәскәү һәм Санкт-Петербургтан 1500дән артык катнашучыны җыйды.
Казанга илнең 13 төбәгеннән 24 мәктәптән 256 финалист килде (19 команда кече яшь категориясендә һәм 17 команда өлкән категориядә). Оештыручылар билгеләп үткәнчә, Казандагы финал «мәктәп лигасы»финалларын уздыруның өч елында да катнашучылар саны буенча рекордны уздырды.
26 апрельдә кече яшьтәге (быел сигез яки тугыз яшь тулган), ә иртәгә өлкән яшьтәге (10-11 яшь) балалар ярыша. Ярышларда дзюдо белән физкультура дәресләрендә яки сыйныфтан тыш дәресләрдә генә шөгыльләнүче мәктәп укучылары катнаша.
«Мәктәп лигасы»нда катнашучылар үзләре өчен дзюдо дөньясын гына ачалар, спорт белән даими шөгыльләнү ягына беренче, ләкин инде ышанычлы адымнар ясыйлар. Ышанам, берничә елдан соң аларның кайберләрен без Бөтенроссия һәм халыкара ярышларда күрербез», — диде Россия Дзюдо федерациясе башкарма директоры Валентин Хәбиров.
Ул шулай ук Татарстан рәисе Рөстәм Миңнехановка һәм Татарстан Дзюдо федерациясе президенты Павел Николаевка проектны хуплаулары өчен рәхмәт белдерде. "Татарстанда безнең спорт төрен яраталар һәм аңлыйлар. Биредә Россия дзюдо федерациясенең барлык массакүләм чаралары гамәлгә ашырыла, яңа проектлар булдырыла һәм тормышка ашырыла», — дип өстәде Хәбиров.
Финалга чыгучыларга каршылыклар полосасын узарга, УКЭМИ (егылганда үз-үзләрен иминиятләштерү) техникасын күрсәтергә, үзләрен урыннан озынлыкка сикерүдә, аркан тартуда күрсәтергә һәм команда ярышларында катнашырга туры киләчәк. Барлык этаплар да «Батыр»спорт комплексында Россия дзюдо федерациясенең судьялар коллегиясе контролендә узачак.
«Ярышучыларга үзләрен иң яхшы яктан күрсәтүләрен телим һәм балаларына ярдәм итәргә килгән ата-аналарга рәхмәт белдерәм. Киләчәктә барлык катнашучыларны дзюдо популярлашкан спорт учреждениеләрендә көтәбез», - дип мөрәҗәгать итте Татарстан спорт министрлыгының спорт резервы секторы мөдире Айдар Кадыйров.
Җиңүчеләр «Планета дзюдо» программасына алмашка «Артек» Халыкара балалар үзәгенә юлламалар, профессиональ кимоно һәм Россия Дзюдо Федерациясеннән — ярышларның техник иганәчесеннән бүләк сертификатлары алачак.
«ТР дзюдо федерациясе һәм аның президенты Павел Николаев исеменнән Россия Дзюдо Федерациясенә бу искиткеч проект өчен рәхмәт белдерәм. «Мәктәп дзюдо лигасы» финалын уздыруны ышанып тапшырганыгыз өчен. Без Сынатмаячакбыз һәм ярышларны тиешле дәрәҗәдә уздырачакбыз дип ышанам» ,-дип билгеләп үтте Татарстан Республикасы Дзюдо федерациясе вице-президенты Раил Моратшин.
Ярышлар башланыр алдыннан яшь дзюдочыларны халыкара класслы спорт мастеры, Европа Кубогы җиңүчесе, Дөнья беренчелеге призеры Адам Цечоев, Россиянең спорт мастеры, Россия беренчелеге призеры, халыкара турнирлар җиңүчесе Ангелина Жукова, Россиянең спорт мастеры, Россия Беренчелегенең ике тапкыр җиңүчесе София Белаш Әзерләде.
Моннан тыш, проектны оештыручылар бай мәдәни программа әзерләгәннәр. Казан буенча экскурсияләрдән тыш, балаларны конкурслар һәм сюрпризлар көтә.