Татарстан спортчылары Мәскәүдә узган «Дуслык Кубогы 2025» тә призлы урыннар яулады
25-27 апрель көннәрендә Мәскәүдә Халыкара Самбо үзәге базасында кул сугышы буенча халыкара турнир - «Дуслык Кубогы 2025» Дөнья кубогы этабы һәм үз-үзеңне саклау буенча 2025 елгы дөнья беренчелеге узды. Турнирда 11 илдән 260 тан артык кеше катнашты, атап әйткәндә: Әрмәнстан, Белоруссия, Венесуэла, Грузия, Казахстан, Кыргызстан, Монголия, Россия, Төрекмәнстан, Үзбәкстан, Эстония. «Дуслык Кубогы» быел бишенче тапкыр уздырылды.
Татарстан Республикасының Гамәли кул көрәше Федерациясеннән Россия җыелма командасы составында 8 спортчы катнашты, алар «Самооборона» һәм «Самооборона 1+1» дисциплиналарында чыгыш ясадылар.
Яшүсмерләр арасында үз-үзеңне саклау буенча 2025 елгы дөнья беренчелегендә чыгышлары нәтиҗәләре буенча спортчылар түбәндәге нәтиҗәләрне күрсәттеләр:
• 14-15 яшьлек яшүсмерләр арасында Скворцов Всеволод 70 кг га кадәр авырлык категориясендә 3 нче урынны алды.
• 16-17 яшьлек егетләр арасында Туктамышев Данил 50 кг га кадәр авырлык категориясендә 3 нче урынны алды, Погожих Иван 50 кг га кадәр авырлык категориясендә 3 нче урынны алды.
Ир-атлар һәм хатын-кызлар арасында «үз-үзеңне саклау» дисциплинасында кул сугышы буенча «Дуслык Кубогы 2025» халыкара турнирында чыгышлары нәтиҗәләре буенча спортчылар түбәндәге нәтиҗәләрне күрсәттеләр:
• 38-49 яшьлек ир-атлар арасында Глазистов Александр 95 килограммнан артык авырлык категориясендә 3 нче урынны алды
• 38-49 яшьлек хатын-кызлар арасында Хәкимуллина Диана 60 килограммга кадәр авырлык категориясендә 2 урынны, Скворцова Виктория 60 килограммнан артык авырлык категориясендә 2 урынны алды.
Хатын - кызлар арасында «Самооборона 1+1» дисциплинасында кул көрәше буенча «Дуслык Кубогы 2025» халыкара турнирында чыгышлары нәтиҗәләре буенча спортчылар түбәндәге нәтиҗәләрне күрсәттеләр: Хәкимуллина Диана - 3 урын, Скворцова Виктория-3 урын.
Спортчылар Глазистов Александр Валерьеич җитәкчелегендә шөгыльләнәләр.