ТР Спорт әзерлеге үзәгендә ядрә белән ату буенча ярышлар узды
Татарстан Республикасының Спорт әзерлеге үзәгендә Җиңүнең 80 еллыгы уңаеннан ядрә белән ату буенча ярышлар узды
29 апрель көнне Татарстан Республикасының Спорт әзерлеге үзәгендә 1941-1945 еллардагы Бөек Ватан сугышында Җиңүнең 80 еллыгына багышланган хезмәткәрләр арасында ядрә белән ату буенча спорт ярышлары узды. Чара «Хезмәткә һәм оборонага әзер» (ГТО) Бөтенроссия физкультура-спорт комплексы призларына узды.
Ярышларны ачуда Татарстан Республикасы спорт министрлыгының Спорт әзерлеге үзәге директоры Альберт Баһаветдинов, спорт әзерлеге үзәгенең спорт чараларын оештыру һәм үткәрү буенча директор урынбасары, ГТО Бөтенроссия физкультура-спорт комплексы рәисе Эдуард Иванов, шулай ук ярышларның баш судьясы — республика категорияле судья Николай Тагиев катнашты.
«Хөрмәтле коллегалар, Татарстан Республикасы спорт министрлыгының Спорт әзерлеге үзәге исеменнән Сезне Бөек Ватан сугышында Җиңүнең 80 еллыгына багышланган ядрә белән ату ярышларында сәламләвемә шатмын! 80 ел элек безнең бабаларыбыз Ватаныбызның азатлыгын һәм бәйсезлеген яклап, батырлык, ныклык һәм фидакарьлек күрсәткәннәр. Бүген бу спорт чарасында катнашып, без физик әзерлегебезне ныгытып кына калмыйбыз, җиңүчеләр буынының батырлыгына да ихтирам күрсәтәбез. Барыгызга да төгәллек, игътибарлылык һәм, әлбәттә, җиңүләр телим», - дип сәламләде Альберт Баһаветдинов.
Катнашучылар үзләренең коллективларын лаеклы тәкъдим итеп, Хезмәткә һәм оборонага әзер булуларын раслап, югары дәрәҗәдәге осталык, төгәллек һәм чыдамлык күрсәттеләр.
Чара Татарстан Республикасында патриотик тәрбия традицияләрен саклауның һәм арттыруның ачык мисалына әверелде.