Татарстанда яшәүче хатын-кыз хезмәт коллективлары арасында Бөтенроссия ГТО фестивалендә 1 урынны яулады

2025 елның 7 мае, чәршәмбе

25-29 апрель көннәрендә Сочида «Көньяк Спорт» спорт комплексы базасында хезмәт коллективлары арасында VII Бөтенроссия ГТО фестивале узды. Быел фестиваль Бөек Ватан сугышында Җиңүнең 80 еллыгына багышланган иде. Россиянең 40 төбәгеннән 49 алдынгы компания вәкиле иң көчлеләр исеме өчен көрәште. Татарстан Республикасы командасы - «Нижнекамскнефтехим» ПАО 23 нче урынны алды. Шунысын да билгеләп үтәргә кирәк, күп кенә командалар ярышларда даими катнаша. 

«Нижнекамскнефтехим» ПАО командасы катнашучысы Диана Мотыгуллина «гәүдәне ятып торудан күтәрү»дисциплинасы буенча үз яшь төркемендә беренче урынны яулады. Бер минут эчендә ул 70 тапкыр кабатлады, моның өчен ул Россия спорт министрлыгының медале һәм дипломы белән бүләкләнде.