Татарстанның хатын-кызлар җыелма командасы-стендка ату буенча Россия команда чемпионатында җиңүче

2025 елның 15 мае, пәнҗешәмбе

Адыгеядә стендка ату буенча Россия команда чемпионаты башланды. 

Ярышларның беренче медаль көнендә Татарстан спортчылары ике тапкыр мактау пьедесталына күтәрелделәр. 

Хатын-кызлар трапында Полина Князева, Екатерина Субботина һәм Алина Әхәтова җиңүче булдылар. Финалда кызлар Мәскәүдән килгән көндәшләрен 5-5, 1-0 исәбе белән җиңде.

 Траншеяда ир-атлар арасында Татарстан җыелма командасы көмеш медаль яулады. Кирилл Багров, Артем Копыстынский һәм Дмитрий Вавилов беренчел раунд, 204/225 нәтиҗәләре буенча лидер булып бардылар, ә финал матчында Краснодар краена оттырдылар, 1-7.