Азнакай районында спорт уеннары фестивале узды
2025 елның 16 маенда Азнакай шәһәренең «Юбилейный» стадионында һәм «Чатыр-тау Арена» универсаль спорт залында 1941-1945 еллардагы Бөек Ватан сугышында Җиңү Көненең 80 еллыгына багышланган спорт уеннары фестивале (Спартакиада) узды.
Фестивальне ачуда Азнакай муниципаль районы башлыгы Шәйдуллин Марсель, Азнакай муниципаль районы Башкарма комитеты җитәкчесе Шәмсетдинов Айдар, «Азнакай муниципаль районы Башкарма комитетының Физик культура һәм спорт идарәсе» МКУ җитәкчесе Миңнеханов Рәфис катнашты.
Тантаналы чараны ачу барышында спортчылар, тренер-укытучылар, спорт учреждениеләре, спорт идарәсе хезмәткәрләре 2024 ел йомгаклары буенча Азнакай муниципаль районы Башлыгының һәм «Азнакай муниципаль районы Башкарма комитетының Физик культура һәм спорт идарәсе» МКУ башлыгының Рәхмәт хатлары, Мактау грамоталары, акчалата сертификатлар белән бүләкләнделәр.
Фестиваль шәхси-команда характерында уздырылды. Анда мәгариф учреждениеләре һәм сәнәгать предприятиеләре, барлык милек формасындагы оешмалар, шулай ук районның авыл җирлекләре җыелма командалары катнашты.
Ярышлар программасы:
- Ирләр командалары арасында Мини-футбол (8 кеше командасы);
- Балалар ишегалды хоккей командалары арасында Мини-футбол (8 кеше командасы);
- Гомуми белем бирү учреждениеләренең җыелма командалары арасында җиңел атлетика – эстафета: 18 яшькә кадәрге егетләр һәм кызлар (ГТО исәбенә);
- Җиңел атлетика буенча малайлар һәм кызлар арасында шәхси беренчелек (ГТО исәбенә);
- Предприятие, оешма һәм авыл җирлекләре командалары арасында җиңел атлетика (ГТО исәбенә);
- Егетләр һәм кызлар арасында Армрестлинг (егетләр-65 кг га кадәр, 75 кг га кадәр һәм 75 кг дан артык авырлык категориясендә; кызлар-55 кг га кадәр һәм 55 кг дан артык авырлык категориясендә);
- Егетләр һәм кызлар, ирләр һәм хатын-кызлар арасында Бадминтон;
- Шулай ук стадион территориясендә " ГТО " ВФСК нормативларын үтәү буенча мобиль төркем эшләде,
Түбәндәге төрләр буенча ГТО сынаулары (тестлары) башкарылды:
- Урыннан ике аяк белән этеп озынлыкка сикерү;
- Гимнастика эскәмиясендә туры аяклы хәлдән алга авышу;
- Тәбәнәк һәм биек аратада эленеп торудан тартылу;
- Идәндә таянып, кулларны бөгеп һәм җәеп җибәрү.
Исегезгә төшерәбез, чара «Физик культура һәм спортны үстерү»дәүләт программасын гамәлгә ашыру кысаларында уздырыла.