Теләчедә Салават Фәтхетдинов призына көрәш буенча VIII Республика турниры старт алды
Бүген Теләченең «Батыр» спорт комплексында яшүсмерләр арасында көрәш буенча VIII Республика турниры башланды. Чара Татарстанның халык, Россиянең һәм Башкортстанның атказанган артисты, шулай ук Татарстан Республикасының гер спорты федерациясе президенты Салават Фәтхетдинов призларына уздырыла. Турнирда 2009 елда туган һәм аннан кечерәк яшүсмерләр көч сынаша. Ярышларда Татарстан, Башкортостан һәм Марий Эл Республикасыннан 191 көрәшче катнаша.
Турнирны ачу тантанасында Салават Фәтхетдинов катнашучыларны һәм кунакларны сәламләде һәм: «Башлау җиңел. Иң мөһиме, эшнең дәвамы булырга тиеш. Барыбызга да киләсе елда IX турнирда очрашуларыбызны телим».
Ачылу тантанасы кысаларында Теләче муниципаль районы башлыгы Айрат Фәтхуллин Салават Фәтхетдиновка Теләче муниципаль районыннан рәхмәт хаты тапшырды, ә Татарстан Республикасы спорт министрының беренче урынбасары Хәлил Шәйхетдинов Татарстан Республикасы спорт министрлыгыннан Рәхмәт хаты тапшырды.
Турнир 2016 елдан бирле уздырыла һәм төбәкнең спорт тормышында мөһим традициягә әверелде. Җиңүчеләр Салават Фәтхетдиновтан исемле кубоклар, дипломнар, медальләр һәм истәлекле призлар ала. Моннан тыш, «Иң техник ыргыту өчен», «җиңүгә омтылыш өчен» һәм «иң яхшы ыргыту өчен»номинацияләрендә иң яхшы көрәшчеләр билгеләнә.