Татарстан Республикасы спорт министрлыгы командасы - дәүләт хезмәткәрләре спартакиадасында йөзү буенча ярышларда көмеш призерлар
24 майда «Акчарлак» бассейнында Татарстан Республикасы Дәүләт хезмәткәрләре Спартакиадасы кысаларында йөзү буенча ярышлар узды.
Ачылу тантанасында катнашучыларны ТР Спорт министры Владимир Леонов сәламләде.
«Хәерле көн, кадерле дуслар, хезмәттәшләр, спортчылар. Ел саен май ахырында без гүзәл шәһәребез бассейннарының берсендә очрашып, су киңлекләрендә нәрсәгә сәләтле булуыбызны күрсәтәбез. Без Спартакиада экваторында, ярты юлны без үттек инде, әмма алда безне тагын да мавыктыргыч, бай стартлар көтә.
Мин бүген үз командаларына ярдәм итәргә килгән барлык җанатарларны, шулай ук юлларга чыгып, үз ведомствосының намусын якларга тиешле катнашучыларны сәламләвемә шатмын. Безгә җиңел су, максималь ләззәт телим. Алга гына, Алга гына!».
Командалар эстафетаны ирекле стиль белән 4х50 метрга йөзделәр. Дистанциядә лидерлар өчлегендә булдылар:
1 урын-Татарстан Республикасы Министрлар Кабинеты Аппараты;
2 урын-ТР Спорт министрлыгы;
3 урын-ТР Рәисе администрациясе.
Моннан тыш, ярышларда ТР Югары суды, ТР сәнәгать һәм сәүдә министрлыгы, ТР Җир һәм милек мөнәсәбәтләре министрлыгы, ТР Икътисад министрлыгы һәм башкалар катнашты.
Спорт министрлыгы командасы составында министр Владимир Леонов, халыкны физик тәрбияләү һәм физкультура-савыктыру эшләре бүлегенең әйдәп баручы киңәшчесе Айбулат Шәрәфетдинов, физкультура-спорт эше һәм проектларны гамәлгә ашыру бүлегенең әйдәп баручы киңәшчесе Әскар Әлмөхәммәтов һәм чараларны координацияләү, контроль һәм корпоратив идарә бүлегенең әйдәп баручы белгече Илья Тарасов призерлар булдылар.
ТР Дәүләт хезмәткәрләре спартакиадасы ярышлары «Физик культура һәм спортны үстерү»дәүләт программасын гамәлгә ашыру кысаларында уздырыла.