Казан олимпия резервы училищесында соңгы кыңгырау чыңлады
24 нче май көнне Казан олимпия резервы училищесында 9 нчы сыйныфны тәмамлаучылар өчен соңгы кыңгырау чыкты. Бу уку елында училищеда 30лап укучы белем алды, аларның күбесе киләсе елда яңадан уку йортына беренче курс студентлары сыйфатында укырга керәчәк.
Училище директоры Рамил Шакиров чыгарылыш сыйныф укучыларына үгет-нәсыйхәт сүзләре әйтте:
«Кадерле чыгарылыш укучылары, иң дулкынландыргыч һәм шатлыклы бәйрәм – мәктәпнең соңгы кыңгыравы белән ихлас котлауларны кабул итегез!
Соңгы кыңгырау-Россиянең барлык мәктәпләрендә ел саен билгеләп үтелә торган истәлекле дата һәм бәйрәм генә түгел. Бу вакытта чыгарылыш сыйныф укучылары үз тормышларында бик мөһим чиккә якынлашалар. Үткән елларга карап, алар киләчәк турында җитди уйлана башлыйлар.
Сез училищеда зур булмаган юл үттегез, ләкин бу Белемгә юл гына түгел, бәлки үзара аңлашу, сабырлык һәм үзара ярдәмләшү буенча тормыш дәресләре дә иде. Сезгә имтиханнарда уңышлар, үз-үзегезгә һәм көчегезгә ышаныч, сугышчан кәеф, югары фикер активлыгы телим. Үзегезгә ышаныгыз, бөтен шикләрегезне ташлагыз һәм барысы да килеп чыгачак!».
Тантаналы чыгышлар тәмамлангач, чыгарылыш сыйныф укучылары бәйрәм концерты белән чыгыш ясадылар, концерт ахырында алар өчен соңгы кыңгырау чыңлады.