Бөгелмәдә Россия тимер юллары хезмәткәрләре өчен ГТО фестивале һәм «Без бергә» спорт уеннары узды
24 майда Бөгелмә муниципаль районының «Энергетик» стадионы базасында «Без бергә» РОСПРОФЖЕЛ тимер юл спорт уеннары узды. Идел-Кама төбәгенең Россия тимер юллары хезмәткәрләре арасында ГТО фестивале узды.
Турнирда Бөгелмә районының 30дан артык предприятие хезмәткәре катнашты.
Спорт программасына ГТО комплексының 5 сынавы кертелгән иде, мәсәлән, аркада яткан килеш гәүдәне күтәрү, идәндә яткан килеш кулларны бөгеп һәм җәеп җибәрү, гимнастика эскәмиясендә басып торган килеш алга авышу, биек аркылы салынып төшүдән тартылу, ике аяк белән этеп озынлыкка сикерү, уртача дистанцияләргә йөгерү.
Катнашучыларның нәтиҗәләре ГТО комплексының 100 баллы таблицасы буенча ясалды. Һәр яшь баскычында җиңүчеләр медальләр, грамоталар һәм призлар белән бүләкләнделәр.