«Динамо» спорт комплексында кикбоксинг буенча Россия беренчелеге һәм чемпионаты җиңүчеләрен хөрмәтләделәр
«Динамо» спорт комплексында WKU версиясе буенча кикбоксинг буенча Россия чемпионаты һәм Беренчелеге җиңүчеләрен һәм призерларын котлау тантанасы узды. Исегезгә төшерәбез, ярышлар Ярославльдә 14-17 май көннәрендә узды һәм бөтен илдән иң көчле спортчыларны җыйды.
Беренчелектә җиңүчеләр-Әскәр Туктагулов һәм Наилә Сидикова, шулай ук бронза медаль иясе Александр Кузьмин Татарстан Республикасының «Динамо» физкультура-спорт җәмгыяте рәисе Әсгать Сәфәровның Рәхмәт хатларына лаек булдылар. Бу бүләкләр аларның күренекле казанышларын тану һәм төбәктә кикбоксинг үсешенә өлеш кертү символы булды.
Татарстан Республикасы «Динамо» физкультура-спорт җәмгыяте рәисенең беренче урынбасары Салават Гайсин яшь динамочыларга истәлекле кул сәгатьләре, спорт формасы комплектлары һәм спорт җәмгыяте атрибутикасы салынган сувенир продукция тапшырды. Спортчыларның тренеры Адам Хәбиллаев «Динамо» җитәкчелеге тарафыннан яшь спортчыларга күрсәтелгән игътибарлары һәм ярдәмнәре өчен тирән рәхмәтен белдерде.
«Динамо» тәрбияләнүчеләре Россия җыелма командасы составында быел октябрь аенда Германиянең Трир шәһәрендә узачак дөнья чемпионатында югары нәтиҗәләргә ирешү өчен бөтен көчләрен куярга вәгъдә иттеләр.