Югары Ослан районында авиамодель спорты буенча Татарстан чемпионаты һәм беренчелеге уздырылды
Узган ялларда В.И. Титлов исемендәге авиамодел һәм тышкы пилотлар әзерләү үзәге мәйданчыгында авиамодель спорты буенча Татарстан чемпионаты һәм Беренчелеге узды.
Ярышларда республиканың төрле почмакларыннан 9 яшьтән 70 яшькә кадәрге 150ләп авиамодельче катнашты. Спортчылар авиамодель дисциплиналарының алты классында ярыштылар:
- F-2B корд пилотаж модельләренең
- F-3A радиоидарәле пилотаж модельләре
- F-3E радиоидарә ителә торган ярыш модельләре
- F-3K планерларының радиоидарә ителә торган модельләре
- F-5J планерларының радиоидарәле модельләре
- F-9U мультироторлы узыш модельләре (квадрокоптерлар)
Ярышлар нәтиҗәләре буенча 60 катнашучыга спорт разрядлары биреләчәк. Катнашучыларның күпчелеген 18 яшькә кадәрге балалар һәм яшүсмерләр тәшкил иткәнгә күрә, күпләр өчен бу авиамодель спортында әһәмиятле казаныш һәм спорт карьерасында беренче адым булды.
«Чемпионат һәм беренчелек республиканың спорт һәм техник тормышында төп вакыйгаларның берсе булды. Россиядәге бер генә төбәк чемпионаты да мондый сан белән мактана алмый. Безнең чемпионат елдан - ел зур темплар белән үсәр дип ышанам», - дип аңлатты ТР авиамодель спорты федерациясе президенты Никита Семин.
Татарстан Республикасы авиамодель спорты федерациясенең чираттагы чарасы-F3D, F3E, F-3D1 ⁄ 2 радиоидарә ителә торган ярыш модельләре классында авиамодель спорты буенча Россия Кубогы. Ул 21 июньгә планлаштырылган.