Теләче мәктәбе командасы Президент спорт уеннарының төбәк этабында җиңүче булды

2025 елның 4 июне, чәршәмбе

«Яшьләр һәм балалар» милли проектын һәм «Без бергә» федераль проектын гамәлгә ашыру кысаларында 29 майдан 31 майга кадәр Зәй районында мәктәп укучыларының «Президент спорт уеннары» Бөтенроссия спорт уеннарының төбәк этабы узды. 

Тантаналы ачылышта ТР Мәгариф һәм фән министры урынбасары Андрей Рюхов, Зәй районы башлыгы урынбасары Петр Уразайкин катнашты.

Ярышларда Азнакай, Бөгелмә, Зәй, Лениногорск, Түбән Кама, Теләче, Тукай, Нурлат, Ютазы районнарыннан, Казаннан һәм Яр Чаллыдан 12 команда составында 144 укучы катнашты.

Җиңүчеләр булдылар:

1 урын-Теләче урта гомуми белем бирү мәктәбе;

2 урын-Зәй 4 нче урта гомуми белем бирү мәктәбе;

3 урын — Түбән Кама районының 29нчы урта гомуми белем бирү мәктәбе.

Ярышларда җиңүче республика данын сентябрьдә Анападагы «Смена» балалар үзәгендә узачак Бөтенроссия финалында тәкъдим итәчәк.

Ярышлар программасына түбәндәге спорт төрләре керә: баскетбол («баскетбол 3×3» дисциплинасы), волейбол (катнаш команда), җиңел атлетика, өстәл теннисы, футбол («мини-футбол» дисциплинасы — 5×5 футбол), программаның өстәмә төре: шахмат.

Президент спорт уеннары «Яшьләр һәм балалар» милли проекты кысаларында уздырыла. Ярышлар үсеп килүче буынның сәламәтлеген ныгытуга, укучылар арасында физик культура белән ныклы кызыксыну уятуга һәм сәламәт яшәү рәвешен пропагандалауга юнәлдерелгән.

Җиңүчеләр спорт инфраструктурасын үстерүгә һәм балалар-яшүсмерләр спортын үстерү чараларын оештыруга җаваплы педагогларны бүләкләүгә грантлар алачак.