Казанда III халыкара «Татнефть» ОРХИС Кубогы старт алды
8 июньдә Казанда «Татнефть арена» бозында III халыкара «Татнефть» Орхис Кубогы – Ислам илләре арасында Татарстанның һәвәскәр җыелма командасы катнашында Халыкара хоккей турниры старт алды.
Турнир беренче тапкыр 3х3 хоккей форматында уза. Ике төркемгә бүленгән сигез һәвәскәр ир-ат командасы дүрт уен көне дәвамында иң көчлеләрне билгеләячәк.
Турнирны ачу тантанасында Россия Хоккей федерациясе президенты Владислав Третьяк, Орхисның Азия төбәге буенча вице-президенты Әнвәр Оморканов, орхис башкарма директоры Дамир Мөхәммәтшин һәм «Ак Барс» сакчысы Альберт Яруллин катнашты.
Владислав Третьяк, Россия Хоккей федерациясе президенты:
- Турнирда катнашучыларның барысын да хоккейны бик яраткан, бик яхшы команда булган, үз җанатарларын уеннары белән сөендерәчәк яшь спортчыларны тәрбияләү өчен барысын да эшләгән шәһәрдә сәламләвебезгә шатмын. Турнирны оештыручыларга, ОРХИС кубогын инде өченче тапкыр уздырган «Татнефть» компаниясенә рәхмәт белдерәм.
Россия – әйдәп баручы хоккей державаларының берсе, хоккей-илебезнең милли уены. Һәм безнең бурыч-дуслар белән тәҗрибә уртаклашу. Без ярышлар уздырып кына калмыйбыз, халыкара җыеннар да оештырабыз. Хоккей-ул дөнья илчесе.
Дамир Мөхәммәтшин, ОРХИС башкарма директоры:
– Без Россиядә, кунакчыл Казанда, өченче Орхис кубогында катнашучыларны кабат сәламләвебезгә шатбыз. Өч елдан да кимрәк вакыт эчендә «Татнефть» компаниясе ярдәме белән оешма идеядән тулы канлы хезмәттәшлек платформасына кадәр юл үтте. Безнең турнир-спорт вакыйгасы гына түгел. Бу спортның мәдәниятләрне, илләрне берләштерергә, чикләрне бетерергә сәләтле булуына дәлил. Бу Россиянең ачык булуын, аның мультимәдәни статусын ачык дәлилләү.
Без ислам илләрендә хоккейга кызыксынуның артуын күрәбез һәм хәрәкәткә ярдәм иткәннәре өчен барыгызга да рәхмәт белдерәбез: тренерлар һәм уенчылардан алып оешманың партнерларына кадәр. Спортчыларга матур уеннар һәм гадел көрәш телим.
Әнвәр Оморканов, Орхисның Азия төбәге буенча вице-президенты:
- Россиягә, Татарстанга һәм «Татнефть» компаниясенә турнирны югары дәрәҗәдә оештырганнары өчен рәхмәт белдерәм. Сез хоккей ярата торган зур булмаган илләр белән тәҗрибә уртаклашасыз, әмма андый инфраструктуралары юк. Бу ОРХИС булдыру нәтиҗәсендә мөмкин булды. Күп кенә Азия илләреннән килгән балалар бүген Әлмәттәге «Ак Барс» хоккей академиясендә белем ала – оештыручыларга мондый мөмкинлек өчен зур рәхмәт.
ОРХИС-ислам илләре хоккеен үстерү оешмасы.