ТР Рәисе Администрациясе Җитәкчесе Әсгать Сәфәров яңадан Татарстанда «Динамо» ФСО рәисе итеп сайланды
Татарстан Республикасының «Динамо» җәмгыяте үз сафларында барлык көч ведомстволарын һәм 25 меңнән артык кешене үз эченә алган башка спорт оешмаларын тәкъдим итүче 32 физкультура коллективын берләштерә. Җәмгыятьнең Татарстан бүлекчәсендәге күп кенә спортчылар үз спорт төрләрендә Россиянең милли җыелма командалары составына керә.
«Һичшиксез, без бүген булган нәтиҗәләрне сакларга тырышачакбыз. Республика хакимияте, республиканың барлык көч органнары ярдәменә ия булып, безгә чигенергә яки позицияләрне бирергә ярамый. Шулай булгач, алга яңа җиңүләргә таба», - дип билгеләде Әсгать Сәфәров.
Татарстан «Динамосы» ның аерым горурлыгын спортның уен төрләрендәге командалар – чирәмдәге хоккей, волейбол, туп белән хоккей буенча ир-атлар һәм хатын-кызлар командалары тәшкил итә. Алар күп тапкырлар иң югары дәрәҗәдәге ярышларда мактау пьедесталын яуладылар һәм биләүләрен дәвам итәләр.