Софья Дьякова-йөзү буенча Европа беренчелегенең ике тапкыр җиңүчесе

2025 елның 7 июле, дүшәмбе

1 июльдән 6 июльгә кадәр Словакиянең Шаморин шәһәрендә 2025 елгы йөзү буенча яшүсмерләр арасында Европа беренчелеге узды. Ярышларда 45 илдән 666 спортчы катнаша. Озак вакыт эчендә беренче тапкыр Европа турнирына Россия йөзүчеләрен дә керттеләр.

«Дельта» урта мәктәбендә тәрбияләнүче Софья Дьякова соңгы 2 көндә турнирның 2 алтын медален яулады. Ул ирекле стиль белән 800 метр (8:27,78) һәм 400 метр (4:07,06) дистанцияләрдә иң яхшысы булды. Моннан тыш, элегрәк Софья 200 метр дистанциядә бронза яулаган иде (1:59,09).

Спортчының тренеры-Светлана Чепик.

Татарстан спортчыларының Европа турнирларында катнашуы һәм аларда җиңү спортны яшь буын арасында популярлаштыра. Бу «Спорт России» дәүләт программасы максатларына туры килә.