КФУ студенты XXXII Бөтендөнья җәйге Универсиадада катнашачак
Тхэквондо буенча Россия җыелма командасының составы билгеле булды, ул Германиядә узачак XXXII Бөтендөнья җәйге Универсиадада ил исеменнән чыгыш ясаячак. Спортчылар арасында Казан федераль университетының Фундаменталь медицина һәм биология институтының 4 курс студенты Ханмагомед Рамазанов та бар.
2025 елгы җәйге Универсиада-студентлар арасында 16 июльдән 27 июльгә кадәр Германиянең Рейн-Рур төбәгендә узачак спорт ярышлары. Универсиада кысаларында барлыгы 18 спорт төре буенча ярышлар узачак: академик ишү, бадминтон, җиңел атлетика, җәядән ату, теннис, өстәл теннисы, фехтование, су һәм команда спорт төрләре, гимнастика, көрәш сәнгате, шулай ук тхэквондо. Ярышларда 160ка якын илкүләм студентлар спорты федерациясе һәм 8,5 меңнән артык кеше катнашачак. Россиядән 48 спортчы чыгыш ясаячак.
Ярышларда Тхэквондистлар арасында Ханмагомед Рамазанов чыгыш ясаячак. КФУ медиакоммуникацияләр үзәгенә студент сөйләгәнчә, көрәш белән ул балачактан ук шөгыльләнә. Хәзер Рамазановка 22 яшь, шуларның яртысын ул спортка багышлады. Үзенең озак вакытлы карьерасында КФУ студенты тхэквондо буенча Россиянең төрле чемпионатларында катнашты. Быел ул 74 килограммга кадәр авырлык категориясендә җиңүче булды. Моннан тыш, бүләкләр копилкасында-республика, бөтенроссия һәм халыкара ярышларда җиңүләр һәм призлы урыннар.
Рамазанов башка катнашучылар белән бергә Германиягә 14 июльдә үк юл тотачак.
Россия җыелма командасы соңгы тапкыр 2019 елда Италиянең Неаполь шәһәрендә узган җәйге Универсиадада чыгыш ясады.