Татарстанның һәр районында боз ареналары төзүне планлаштыралар
Татарстанда яңа республика программасын эшләтеп җибәрергә планлаштыралар. Аның кысаларында һәр районда боз ареналары барлыкка киләчәк. Бу хакта бүген Татарстан Республикасы берләштерелгән бюджетын үтәү буенча киңәшмәдә Татарстан рәисе Рөстәм Миңнеханов хәбәр итте. Хәзер республикада 12 боз аренасы эшли.
«Бездә андый план бар. Киләсе елдан бу эшне башлыйбыз. Муниципалитет җитәкчеләренә игътибар итәм: объектларны сыйфатлы төзү һәм эксплуатацияләү-Сезнең шәхси җаваплылыгыгыз. Объектлар нәтиҗәле һәм файдалы булырга тиеш», - диде Миңнеханов.
Ул билгеләп үткәнчә, Татарстанда ел саен акчаларны гражданнарның тормыш сыйфатын яхшыртуга юнәлдерелгән программаларга кертәләр. Хәзер 48 республика программасы гамәлдә.
Программалар барлык социаль өлкәләрне һәм икътисадның барлык тармакларын диярлек үз эченә ала. Акчалар инфраструктураны модернизацияләүгә, ишегалларын һәм җәмәгать киңлекләрен төзекләндерүгә, фәнни-технологик үсешкә, мәдәният, мәгариф, сәнәгать өлкәсендәге проектларга һәм башкаларга бүлеп бирелә. Мондый инициативалар "Россия спорты"дәүләт программасы максатларына туры килә.