Илья Симакин-2025 елгы җәйге Бөтендөнья универсиадасы чемпионы

2025 елның 25 июле, җомга

Татарстан спортчысы Илья Симакин (тренеры — Антон Кратюк) Егор Агафонов белән парлы рәвештә 2025 елда Райн‑Рур төбәгендә (Германия), Эссен шәһәрендә уза торган җәйге Бөтендөнья Универсиадасында теннис турнирының ир-атлар парлы разрядында чемпион булды.

Финалда Россия дуэты үз характерын һәм осталыгын күрсәтте: беренче сетта җиңелүгә карамастан, алар төрек парлары Алкая / Дуранны 3-6, 6-2, 10-3 исәбе белән җиңеп, хәлиткеч матч‑тай‑брейкта өстенлек алдылар. 

Ир-атлар арасында парлы разрядта 20 дән артык илдән, шул исәптән АКШ, Япония, Бөекбритания, Австралия, Германия, Кения һәм башка илләрдән спортчылар көч сынашты. Турнир студентлар теннисының чын халыкара бәйрәменә әверелде.