Мирныйда чаңгы роллерлары буенча Россия чемпионатын ачу тантанасы узды
Бүген, 1 августта, Мирныйда чаңгы-биатлон комплексы территориясендә чаңгы роллерлары буенча Россия чемпионатын ачу тантанасы узды. Спортчыларга ярдәм итәргә Россия чаңгы узышлары федерациясе президенты Елена Вяльбе, Татарстан Республикасы чаңгы узышлары федерациясе президенты Илшат Фәрдиев һәм Татарстан Республикасы спорт министрының беренче урынбасары Хәлил Шәйхетдинов килде.
«Минем Сезгә Татарстанда шундый масштаблы чемпионат уздыруга ышанычыгыз өчен рәхмәт белдерәсем килә. Бирегә илебезнең 43 төбәгеннән – илебезнең элитасыннан 200дән артык спортчы җыелган иде. Без сезнең өчен иң яхшы шартлар тудырырга тырыштык, сез монда гына түгел, ә Казан үзәгендә шәһәрнең төп истәлекле урыннары янында да ярыша аласыз. Сезгә җиңел стартлар, уңышлар һәм җиңүләр телибез!",- диде Хәлил Хәмитович.
ЛБК ачылганнан соң,2Х3Х2, 5 км эстафета ярышлары узды.хатын-кызлар арасында Виктория невьянцева һәм Виктория Лукашевадан торган Тула өлкәсе командасы алтын медальгә ия булды. Көмеш медальләрне Мәскәү-1 спортчылары яулады (Анастасия Друговская/Екатерина Евтягина), алар җиңүчеләрдән нибары 0,2 секундка гына калыштылар. Призерлар өчлеген Санкт-Петербург-1 командасыннан Екатерина Кипяткова һәм Диана Соболева йомгаклады (+0,9).
Ир-атлар арасында Егор Солдаткин һәм Андрей Краснов составындагы Санкт-Петербург — 1 җыелма командасы Казандагы чаңгы роллерлары буенча Россия-2025 чемпионатында 2x3x2,5 км ир-атлар эстафетасында җиңүче булды. Спортчылар дистанцияне 24.30,2 дә үттеләр.
Көмеш медальләрне Ленинград өлкәсенең бишенче командасы спортчылары яулады (Евгений Кудрявцев, Андрей Парфенов), алар җиңүчеләрдән 0,2 секундка артта калдылар. Призерлар өчлеген Рязань өлкәсе өчен чыгыш ясаучы Дмитрий Скрыпников, Андрей Алипкин япты (+0,8).
Шуның белән чаңгы-биатлон комплексында ярышларның бер өлеше тәмамланды. Иртәгә турнир Казан урамнарына күчәчәк.