Сохацкая Казандагы җиңел атлетика буенча чемпионат турында: "Туган стеналар бик ярдәм итә»
Татарстан спортчыларына бүген Казанда старт алган җиңел атлетика буенча Россия чемпионаты вакытында «туган стеналар»ярдәм итәчәк. Әмма бу аларга өстәмә җаваплылык йөкли, дип белдерде «Татар-информ» да узган матбугат конференциясендә җиңел атлетика буенча спорт мастеры Юлия Сохацкая.
"Чемпионатка әзерлегемне мин биштән бишкә бәяләр идем, бик югары дәрәҗә күрсәтергә әзермен. Туган диварлар һичшиксез ярдәм итә, чөнки безгә ярдәм итүче җанатарлар бик күп килә. Шул ук вакытта зур җаваплылык та, югары нәтиҗә күрсәтәсе килә», – дип уртаклашты спортчы.
Җиңел атлетика буенча Россия чемпионаты – Казан спорты өчен зур вакыйга, дип ассызыклады шәһәр Башкарма комитетының физкультура һәм спорт комитеты рәисе Линар Гарипов.
"Бу бик масштаблы вакыйга, ул беркемне дә битараф калдырмаячак. Җиңел атлетика буенча Россия чемпионатында Татарстаннан 20 спортчы катнашуы аеруча горурлык. Безнең спорт мәктәпләре быелгы иң элиталы ярышларда катнаша", - дип ассызыклады ул.
Гарипов шәһәр халкын чемпионатка барырга өндәде, ә спортчыларга турнирда уңышлар теләде.