Браво, Марта Волкова!
Түбән Кама динамовкасы Марта Волкова армреслинг буенча яшүсмерләр арасында абсолют дөнья чемпионы булды.
10 сентябрьдән 23 сентябрьгә кадәр Болгариянең Албена шәһәрендә армрестлинг һәм пара-армрестлинг буенча дөнья беренчелеге һәм чемпионаты уза.
Турнирда Россиядән 200дән артык спортчы катнаша. Алар барлык яшь һәм авырлык категорияләрендә — яшүсмерләр һәм юниорлардан алып ветераннарга һәм пар-армрестлерларга кадәр игълан ителгән.
Татарстанның Түбән Кама районы «Динамо» спорт мәктәбендә тәрбияләнүче Марта Волкова 75+авырлык категориясендә ике кулда берьюлы алтын медаль яулап, армрестлинг тарихына кереп калды.
Тренер Владислав Пергушев шәкерте 19-23 яшь категориясендә дөньяның иң яхшы армреслеры булуын исбатлап, искиткеч көч, техника һәм җиңүгә омтылыш күрсәтте.
Түбән Кама Динамо мәктәбен дә дөнья беренчелегендә Владислав Урезов (75 кг га кадәр) тәкъдим итә. Аның чыгыш нәтиҗәсе-7 урын.
Ә марта Волковага әле үзен дөнья чемпионатында күрсәтергә туры киләчәк, анда безнең спортчы 22 сентябрьдә планетаның иң титуллы спортчылары белән көрәшәчәк. Сиңа, Марта, яңа түбәләрне яулауда уңышлар!