Татарстан җыелма командасы Әзербайҗанда узган III БДБ илләре уеннарында 34 медаль яулады
28 сентябрьдән 8 октябрьгә кадәр Азәрбайҗанда III БДБ илләре уеннары узды. Масштаблы турнир 13 илдән 1500 дән артык спортчыны берләштерде, алар спортның 19 төрендә бүләкләр өчен көч сынаштылар.
Безнең республикадан 9 спорт төрендә 19 спортчы катнашты, алар барлыгы 34 медаль яулады: 22 алтын, 7 көмеш һәм 5 бронза.
Иң күп бүләкләр стендка атуда яуланды-14. Медаль ияләре булдылар:
Алинә Әхәтова – 3 алтын; Елизавета Евграфова – 3 алтын; Кирилл Багров – 2 алтын, 1 бронза; Андрей Кушагин – 1 алтын, 1 бронза; Герман Теленин – 1 алтын, 1 бронза; Дарья Ахомцева – 2 көмеш; Эвелина Андреева – 1 бронза.
Йөзү буенча ярышларда Анастасия Чернышова 9 бүләккә ия булды: 7 алтын һәм 2 көмеш.
Ядрә белән ату буенча турнирда Айгөл Хәбибуллина 3 алтын медаль яулады.
Кирилл Козлов батутта сикерүдә 1 көмеш һәм 1 бронза медаль яулады; бадминтонда 1 алтын һәм 1 көмеш медальне Александра Херувимова яулады.
Шулай ук турнир медалистлары булдылар:
Глеб Махеев, тхэквондо – 1 алтын; Әмир Габдрахманов, ишү спорты – 1 бронза; Кирам Яруллин, фехтование – 1 көмеш; Ярослав мокров, Илья Ксенофонтов, Дияр Гафуров, Данила Максимов (барысы да – волейбол) – 1 алтын.
Гомумән алганда, Россия җыелмасы 200дән артык бүләк яулады һәм зур аерма белән медаль зачетын отты.