Казанда Россия һәм Һиндстан студентлары арасында крикет буенча матч узды
Казанның Үзәк стадионында «Россия-Һиндстан» бизнес–форумы кысаларында ике ил командалары арасында крикет буенча студентлар ярышлары старт алды.
Турнирны ачу тантанасында ТР Спорт министры Владимир Леонов әлеге матчның тарихи дип атарга мөмкин булуын билгеләп үтте һәм спортчыларга уңышлы уеннар теләде.
"Бүген без тарихи вакыйгада катнашабыз. Безнең ил территориясендә беренче тапкыр крикет буенча Россия һәм Һиндстан студентлар җыелма командалары арасында матч уза. Һәм бүген бу әле зур юлның башы гына. Крикет бөтен дөньяда, бигрәк тә Һиндстанда популяр. Ышанам ки, без бу традицияне төгәл саклап калачакбыз һәм һәр форум турнирларны Казанда уздырачакбыз, бер үк вакытта катнашучылар санын арттырачакбыз һәм бу уенның сыйфатын арттырачакбыз.
Сүз уңаеннан, һиндстан командасы актив катнашкан Брикс уеннары алдыннан без Үзәк стадионны тулысынча реконструкцияләдек. Бу объект-илебездә иң яхшыларның берсе, Кремль һәм Кол Шәриф мәчетенә искиткеч күренеш. Ә бүген биредә беренче тапкыр Студентларның крикет буенча ярышлары уза. Әлеге спорт төре Россия белән Һиндстан арасындагы дуслык символына әйләнсен иде».
Ачылу тантанасында шулай ук Һиндстан Республикасының Россия Федерациясендәге Гадәттән тыш һәм Тулы вәкаләтле Илчесе Винай Кумар, Россия крикет берлеге президенты Игорь Казиков һәм Милли Студентлар крикет лигасы президенты Марат Бариев катнашты.