Казанда Татарстан тренерлары һәм боксчылары истәлегенә бокс буенча төбәкара турнир тәмамланды
Турнирда Татарстан, Марий Эл, Чувашия Республикаларыннан һәм Ульяновск өлкәсеннән 65 иң көчле спортчы катнашты.
Ярышлар ике яшь категориясендә: 17-18 яшьлек яшүсмерләр һәм 19-40 яшьлек ир-атлар арасында үткәрелде, алар 13 авырлык категориясендә көч сынаштылар.
«Идел» физкультура-спорт җәмгыяте Казан шәһәренең бокс буенча махсуслаштырылган олимпия резервы мәктәбендә тәрбияләнүчеләр югары нәтиҗәләр күрсәттеләр. Яшүсмерләр арасында Артем Трондин (67 кг га кадәр) һәм Вячеслав Красильников (80 кг га кадәр) чемпион булдылар, фәхридин Рәсүлов (60 кг га кадәр) һәм Глеб Мазанов (67 кг га кадәр) көмеш призерлар булдылар, Айдар Галимҗанов (60 кг га кадәр) һәм Әскар Туктагулов (71 кг га кадәр) бронза призерлар булдылар. Ир-атлар арасында беренче урынны Саро Айвазян (54 кг га кадәр), Кәрим Вәлиев (57 кг га кадәр) һәм Айрат Сибгатуллин (75 кг га кадәр) алдылар. Никита Гоголев (57 кг га кадәр) бронза медаль алды.
Моннан тыш, көрәшне иң яхшы алып бару техникасы өчен махсус кубок белән Кәрим Вәлиев бүләкләнде.
Белешмә:
Турнир республиканың Бокс җәмәгатьчелеге өчен аерым әһәмияткә ия. Узган ел Татарстан Республикасы бокс федерациясе, ветераннар Советы һәм бокс җәмәгатьчелеге инициативасы белән ярышларга яңа исем бирелде – бу спорт төрен үстерүгә өлеш керткән Татарстанның барлык тренерлары һәм боксчылары истәлегенә.