«Динамо» спорт комплексында яшь спортчылар өчен Бразилия джиу-джитсы буенча мастер-класс узды

2025 елның 23 октябре, пәнҗешәмбе

Казанның «Динамо» спорт комплексында Бразилия джиу-джитсы буенча 4 тапкыр дөнья чемпионы мастер-классы узды. Осман Османов үзе «терсәк рычагы»белән ничек эшләвен сөйләде һәм күрсәтте. Үз серләрен ачты һәм Динамо секцияләрендә тәрбияләнүчеләргә яңа элементларга өйрәнергә ярдәм итте.

Хәзер планнарда-яшь динамочылар танылган спортчылардан осталыкка өйрәнә алсын өчен ай саен шундый мастер-класслар уздыру.

Осман Османов-Бразилия Джиу-Джитсы буенча Татарстан Республикасының иң титуллы спортчыларының берсе. AJP дөнья чемпионы, ACB дөнья чемпионы, 6 тапкыр Россия чемпионы, AJP GRAND SLAM җиңүчесе, Россиянең спорт мастеры.
Күп кенә дөньякүләм экспертлар аның үзенчәлекле көрәш стилен, техника дәрәҗәсен һәм төрле алымнар арсеналын билгеләп үтәләр.