Алабугада ВТФ тхэквондо буенча Россия Кубогы тәмамланды
2025 елның 21-26 октябрендә Алабугада җиңел атлетика манежы мәйданчыгында Россия тхэквондосында төп турнирларның берсе – ир-атлар һәм хатын-кызлар арасында ВТФ тхэквондосы буенча Россия Кубогы узды. Аның артыннан шул ук аренада Россиянең команда чемпионаты уйнатылды. Ярышларда илнең 30дан артык төбәгеннән йөзләгән иң көчле спортчы катнашты.
Шәхси беренчелек нәтиҗәләре буенча гомумкоманда зачетында Санкт-Петербург спортчылары җиңү яулады, икенче урынны Мәскәү, өченче урынны Дагыстан Республикасы вәкилләре алды.
Татарстан тхэквондо мәктәбе укучылары шәхси беренчелектә түбәндәге нәтиҗәләрне күрсәттеләр. 58 кг га кадәр авырлык үлчәмендә Камил Гинәтуллин бронза, ә 74 кг га кадәр авырлык үлчәмендә Даниил Жданов көмеш медаль яулады.
Команда беренчелегендә Санкт-Петербург җыелмасы 1038 балл җыеп беренче урынны алды, Мәскәү 489 балл җыйды, Дагыстан Республикасы – 341 балл.
Ярышларны оештыручылар-Россия Федерациясе Спорт министрлыгы, «Россия тхэквондо союзы» гомумроссия иҗтимагый оешмасы һәм «спорт инициатива»АНО.