Азнакайда Бөтенроссия тренер көнен матч һәм ГТО нормаларын тапшыру белән билгеләп үттеләр
Азнакай муниципаль районында Бөтенроссия тренер көненә багышланган спорт чаралары узды. 1 ноябрьдә «Алга» ябык футбол манежында Яшь буынны тәрбияләү һәм спорт казанышлары нигезендә хезмәт итүче белгечләргә багышланган бәйрәм булды.
Чара кысаларында Азнакай районы спорт мәктәпләре тренерлары арасында мини-футбол буенча матч узды. Шулай ук спорт мәктәпләре хезмәткәрләре «Хезмәткә һәм оборонага әзер»Бөтенроссия физкультура-спорт комплексы нормативларын үтәделәр. Сынаулар программасына:
- идәндә таянып кулларны бөгү һәм җәеп җибәрү;
- гәүдәне аркада яткан килеш күтәрү;
- урыннан озынлыкка ике аяк белән сикерү;
гимнастика скамьясында туры аяклы килеш басып торудан алга авышу.
Тантананы Азнакай муниципаль районының физик культура һәм спорт идарәсе җитәкчесе Рафис Миңнеханов ачып җибәрде. Ул катнашучыларны сәламләде һәм спорт мәктәпләре тренерларына һәм директорларына районда физик культура һәм спорт үсешенә зур өлеш керткәннәре өчен рәхмәт хатлары тапшырды.
Чара «Россия спорты»дәүләт программасын гамәлгә ашыру кысаларында узды.