Мөслим районында безнең көч бердәмлектә хәрби-тарихи уены узды
Мөслим гимназиясе базасында Халыклар бердәмлеге көнен һәм Татарстан Республикасы Конституциясен бәйрәм итүгә багышланган «Безнең көчебез бердәмлектә» район хәрби-тарихи уены узды. Ярышларда 6 команда катнашты. Чара яшьләрне патриотик тәрбияләүгә, Бөек Ватан сугышы тарихын һәм махсус хәрби операция тематикасын да кертеп, хәрби тарихны өйрәнүгә, шулай ук гадәттән тыш хәлләрдә эш итү өчен кирәкле сыйфатларны формалаштыруга юнәлдерелгән иде. Катнашучылар берничә дисциплинада көч сынаштылар: - АК-74 автоматын сүтеп җыю; - пневматик винтовкадан ату; - тартылу һәм отжимание; - гомумхәрби яклау комплектын (ОЗК)киендерү; - Җиңү маршаллары, герой-шәһәрләр, ату коралы һәм сугыш кирәк-яраклары турындагы белемнәрне тикшерү. Уен кысаларында шулай ук «Хезмәткә һәм оборонага әзер»Бөтенроссия физкультура-спорт комплексы нормативларын тапшыру узды. Егетләр биек аркылы тартылуны, кызлар идәннән отжимание, ә җыелма командалар пневматик винтовкадан атуны башкардылар. Ярыш йомгаклары буенча беренче урынны Мөслим гимназиясе командасы алды. Икенче урында-Г. Тукай исемендәге МСОШ яшь армиячеләре, өченче урында – Олы Чекмак төп гомуми белем бирү мәктәбе командасы. Шәхси һәм команда зачетында җиңүчеләр грамоталар һәм истәлекле бүләкләр белән бүләкләнделәр.