Казанда кул сугышы һәм БПЛА җибәрү буенча ярышлар башланды
Бу ялларда, 2 һәм 3 ноябрьдә, Казанда уникаль спорт чарасы уза. «Ак Барс» көрәш сараеның кече залында халыклар бердәмлеге көнен бәйрәм итүгә багышланган шәхси беренчелек һәм ТР гамәли кул көрәше федерациясе чемпионаты старт алды.
Быелгы чемпионатның үзенчәлеге булып кул көрәшенең яңа дисциплинасы: дроннар узышы һәм кул сугышы Федерациясенең коллаборациясе тора. Кунаклар мавыктыргыч бәйгеләрне, көрәш осталарының демонстрацион чыгышларын һәм БПЛАНЫҢ тамашалы күрсәтмә узышларын күзәттеләр.
Катнашучыларга сәламләү сүзе белән ТР Спорт министры урынбасары Илдар Садриев мөрәҗәгать итте: «бүгенге кунаклар арасында – яшь спортчылар өчен көч һәм батырлык үрнәге булган махсус хәрби операциядә катнашучылар да бар. Ярышларда катнашучыларга, Ватанны саклаучылар буларак, кул сугышы белән шөгыльләнеп һәм дроннар белән идарә итеп үстергән күнекмәләре файдалы булачак».
Ярышларның беренче көнендә, 2 ноябрьдә, ТР дроннар узышлары федерациясе белән берлектә спорт БПЛА белән идарә итүче һәм үз-үзен саклау күнекмәләренә ия спортчыларның күрсәтмә чыгышлары күрсәтелде. Моннан тыш, чара кысаларында кул сугышы федерацияләре һәм Татарстан Республикасы дронрейсинг Федерациясе арасында хезмәттәшлек турында килешү имзаланды.
Белешмә:
Чемпионат сайлап алу булып санала һәм аның нәтиҗәләре буенча Россия чемпионатында катнашу өчен Татарстан җыелма командасы төзеләчәк. Ә Россия чемпионаты нәтиҗәләре буенча команда «Самооборона» һәм «Поединок»дисциплиналарында кул сугышы буенча дөнья чемпионатында катнашу өчен сайлап алыначак.