«Татсиб» командасы – следж-хоккей буенча «Безнең заман геройлары» Кубогының көмеш призеры
31 октябрьдән 7 ноябрьгә кадәр Самарада «Россия – спорт державасы» XIII Халыкара спорт форумы кысаларында «Геройлар лигасы» дивизионында следж-хоккей буенча Россия чемпионатының өченче әйләнеше – «Безнең заман геройлары»Кубогы узды.
Ярышларда сигез команда катнашты: «Союз» (Приморье крае), «Мужество» (Мәскәү), «Булат» (Башкортостан Республикасы), «Донской Рубеж» (Ростов өлкәсе), «Гвардия» (Мәскәү өлкәсе), «СКА-Стрела» (Санкт-Петербург), «Татсиб» (Татарстан Республикасы) һәм «Север» (ХМАО-Югра). Төбәк җыелмалары составында шулай ук махсус хәрби операция ветераннары да чыгыш ясады.
Следж-хоккей буенча «Безнең заман геройлары» Кубогы җиңүчесе Ханты-Манси автоном округы – Юградан «Север» АХК булды. «Татсиб» АХК (Татарстан Республикасы) турнирның көмеш призеры булды. Бронзаны «Мужество» АХК (Мәскәү) алды.
Төркем этабы нәтиҗәләре буенча командалар «Геройлар лигасы» дивизионында Россия чемпионы исеме өчен көрәштә катнашу хокукына ия булдылар, шулай ук «Безнең заман геройлары» кубогы һәм приз фонды уйнаттылар.
Белешмә:
Россия чемпионатының 3 нче әйләнеше «Безнең заман геройлары» федераль проекты кысаларында уза, аны Россиянең паралимпия комитеты һәм «сәламәт Ватан»Гомумроссия хәрәкәте үткәрә. Самарадагы Турнир терәк-хәрәкәт аппараты зарарланган затларның бөтенроссия спорт федерациясе һәм Самара өлкәсе Хөкүмәте ярдәмендә оештырылды.