Ак Барс Көрәш Сараенда Хафиз Тимашев истәлегенә грек-рим көрәше буенча Бөтенроссия ярышлары старт ала
2025 елның 7-9 ноябрендә Казандагы «Ак Барс» көрәш сараенда 18 яшькә кадәрге яшүсмерләр арасында грек-рим көрәше буенча V Бөтенроссия ярышлары узачак. Турнир СССРның халыкара класслы спорт мастеры, РСФСРның атказанган тренеры Хафиз Шәйхулла улы Тимашев истәлегенә багышлана.
Өч көн дәвамында Россиянең 15 төбәгеннән 200 гә якын яшь спортчы беренчел һәм финал очрашуларында көч сынашачак. 8 ноябрь көнне 16: 00 сәгатьтә ике тапкыр олимпия чемпионы Роман Власов катнашында ярышларда катнашучылар һәм Казанның спорт мәктәпләрендә тәрбияләнүчеләр өчен мастер-класс узды.
Ярышларның финал өлешен ачу тантанасы 9 ноябрьгә 12:00 сәгатькә планлаштырылган. Чара Татарстан Республикасында грек-рим көрәшен үстерүгә һәм Хафиз Тимашевның төбәктә спортны үстерүгә керткән өлеше турындагы хәтерне саклауга юнәлдерелгән.