Нәҗип Миңнекәев-брейкинг буенча дөнья Кубогы иясе
7-9 ноябрьдә Мәскәүдә Ирина Винер сараенда Russian Open Breaking Championship (ROBC) булып узды, ул брейкинг буенча дөнья кубогын, халыкара һәм бөтенроссия ярышларын үз эченә алды.
ROBCДА 20 илдән спортчылар катнашты: Аргентина, Азәрбайҗан, Белоруссия, Бразилия, Вьетнам, Грузия, Һиндстан, Индонезия, Казахстан, Кыргызстан, Кытай Халык Республикасы, Корея Республикасы, Малайзия, Таҗикстан, Тайвань, Тунис, Филиппин, Франция, Япония һәм Россия. Ярышларны Бразилия, Венесуэла, Канада, Корея Республикасы, АКШ, Франция һәм Япониядән абруйлы белгечләр кергән халыкара судьялар коллегиясе бәяләде.
Татарстан Республикасы җыелма командасы спортчылары берьюлы 7 медаль яулады: өч алтын, өч көмеш һәм бронза.
«Брейкинг» дисциплинасында дөнья Кубогы алтынын Казан спортчысы Нәҗип Миникаев (ZipRock) яулады. Исегезгә төшерәбез, быел Нәҗип Россия Кубогына ия булды, ил чемпионы титулын яулады, Европа һәм Азиядәге эре халыкара турнирларда җиңүче булды.
«Брейкинг – команда ярышлары» дисциплинасында Казанның «Original People»командасы Дөнья Кубогының тагын бер медален, бронза медален яулады. Команда составында Нәҗип Миникаев (ZipRock), Руслан Фәйзрахманов (Ruslan FootRockets), Евгений Первушкин (Cheerito), Павел Мухин (Muha) һәм Александр Ганачьян (Gun) чыгыш ясады.
«Брейкинг, 13-15 яшьлек егетләр» дисциплинасындагы халыкара ярышлар кысаларында, берничә йөз спортчы арасыннан сайлап алып, аннары финалга юл тоткан юлда барысын да җиңеп, алтын өчен көрәштә Татарстан Республикасы җыелма командасының ике вәкиле – Урал Уразаев (Ural) һәм Әмир Закиров (Amur) очрашты. Финал баттлы нәтиҗәләре буенча Урал Уразаев җиңүче булды, Әмир Закиров көмеш медаль алды.
«Брейкинг-команда ярышлары, 10-15 яшьлек егетләр һәм кызлар» дисциплинасында икенче урынны «Колхоз базары» командасы алды (Original People брейкинг мәктәбе). Команда составында Урал Уразаев (Aal), Әмир Закиров (Amur) һәм Андрей Лапшинов (ADR) чыгыш ясады.
«Брейкинг, 7-9 яшьлек малайлар»дисциплинасында Глеб Гульков (Glebas) Бөтенроссия ярышларында көмеш медаль яулады.
ROBC «Укытучы-укучы» махсус бәйгесендә көндәшләренә шанс калдырмадылар һәм алтын медаль яуладылар: брейкинг буенча Татарстан Республикасы җыелма командасының баш тренеры Александр Шаталов (Can) һәм Әмир Закиров (Amur).
Чираттагы тапкыр югары осталык күрсәтеп һәм илнең җыелма командасында урын яулап, Татарстан Республикасы җыелма командасы спортчылары сезонның төп стартына – декабрьдә Дубайда узачак брейкинг буенча дөнья чемпионатына әзерлекләрен дәвам итәләр.