Валерия Нойкина Грециядә панкратион буенча дөнья беренчелегендә алтын яулады

2025 елның 11 ноябре, сишәмбе

Васильевода тәрбияләнүче Валерия Нойкина Грециядә панкратион буенча дөнья беренчелегендә алтын медаль яулады.

Безнең эрага кадәр 648 елда башланып киткән Панкратион көрәшнең иң борынгы һәм иң хөрмәтле төрләренең берсе булып тора, удар һәм көрәш техникасын берләштерә. 

Бу халыкара уңыш яшь спортчының чираттагысы булды. Исегезгә төшерәбез, узган ел Валерия джиу-джитсу буенча дөнья беренчелегеннән триумф белән кайтты, ике алтын һәм бер көмеш медаль яулады.

Ике катлаулы дисциплинада шундый күпкырлы һәм нәтиҗәле әзерлек өчен нигезне Валериянең тренер-укытучысы Наил Камил улы Исламкулов сала.

Спортчыны шулай ук мөһим вакыйга көтә – тиздән Таиландта узачак джиу-джитсу буенча дөнья чемпионаты һәм Беренчелеге.