Буыннар су көрәше: Россиядә беренче «Мастерс» һәвәскәрләр Кубогында 20 яшьтән 87 яшькә кадәрге 500дән артык спортчы көч сынашачак
12-17 ноябрьдә Казанда Су спорт төрләре буенча Россия тарихында беренче тапкыр «Мастерс» һәвәскәрләр Кубогы старт ала. Турнир «Россия спорты» дәүләт программасы максатларына ярдәм йөзеннән Су спорт төрләре сарае базасында һәм «Оргсинтез»бассейнында узачак. Ул спорт ареналарына илнең төрле почмакларыннан 500дән артык һәвәскәр спортчыны җыячак. Катнашучыларның яше - 20 дән 87 яшькә кадәр, бу барлык буыннар өчен спортның һәркем өчен мөмкин булуы идеясен ассызыклый.
Ярышлар дүрт дисциплинада узачак: йөзү, синхрон йөзү, суга сикерү һәм су полосы. Кубокта катнашучылар арасында-танылган спортчылар, Россия спорты легендалары: йөзү буенча Олимпия уеннары, дөнья һәм Европа чемпионатлары призеры Владимир Предкин, синхрон йөзү буенча өч тапкыр олимпия чемпионы Александра Пацкевич, су полосы буенча ике тапкыр Олимпия уеннары призеры Ирек Зиннуров һәм башкалар бар.
Кубокның тантаналы ачылышы 13 ноябрьдә 10:00 сәгатьтә ДВВСТА булачак. Тантана кысаларында массакүләм мәгълүмат чаралары вәкилләре өчен атаклы спортчылар Владимир Предкин һәм Григорий Фалькога матбугат чарасы оештырылачак.
"Россиядә һәм республикада халык арасында спортны популярлаштыруга юнәлдерелгән «Спорт – Россия» Дәүләт программасы актив үсә. «Мастерс» Кубогы — һәвәскәрләр өчен үзләрен зур спорт вакыйгасының бер өлеше итеп хис итү, үз — үзләренә каршы чыгу һәм чын спортның яшьтән тыш булуын исбатлау өчен уникаль мөмкинлек», - дип билгеләп үтте ТР Спорт министры Владимир Леонов.