4 алтын, 3 көмеш һәм 4 бронза – Яшь Татарстан бадминтончылары Бөтенроссия ярышлары пьедесталында
9-13 ноябрь көннәрендә Екатеринбургта бадминтон буенча «Трубачев мемориалы»Бөтенроссия яшүсмерләр ярышлары узды. Татарстан спортчылары төрле дәрәҗәдәге 11 медаль яулады.
Руфинә Зәйнуллина абсолют чемпион булды, ул U13 категориясендә өч алтын медаль яулады. Ул ялгыз разрядта, Алиса Яшанина белән парлы ярышта һәм Всеволод Русских белән парлы катнаш разрядта беренче урынны алды.
U19 категориясендә ир-атлар арасында ялгыз разрядта беренче урынны, парлы ярышта Түбән Новгород өлкәсеннән Дмитрий Капралов һәм Свердловск өлкәсеннән Софья Батырова белән катнаш разрядта икенче урынны алган Айназ Зәйниев аерылып торды.
Татарстан спортчыларының башка казанышлары арасында – Данияр Борһановның U13 ир-атлар ялгыз разрядында бронза медале, Всеволод Русских/Данияр Борһанов дуэты U13 ир-атлар парлы разрядында көмеш, шулай ук U15 ир-атлар ялгыз разрядында Ралиф Зәйнуллин һәм U15 һәм U17 парлы разрядларында Адель Махияновның бронза медальләре бар.