Казанда һәвәскәр студентлар командалары арасында хоккей буенча ИФО Кубогы старт алды
Турнир «Зилант» ЛДГА Идел буе федераль округының 14 төбәгеннән 300 дән артык спортчыны җыйды. Ачылу тантанасының хэдлайнеры булып татар рэп башкаручысы Альберт Шәрәфетдинов (Нурминский) чыгыш ясады.
Турнирда профессиональ клублар белән хоккейчы контракты булмаган һәм Студентлар хоккей лигасы чемпионаты командалары өчен катнашырга заявка бирмәгән 2003-2010 елгы көндезге һәм көндезге-читтән торып уку формалары студентлары катнашты.
Хоккейчыларны һәм тамашачыларны Татарстан спорт министры урынбасары Илдар Садриев сәламләде:
"Без чираттагы мәртәбә Идел буе федераль округының барлык 14 регионы командаларының Казанга җыелуына бик шатбыз. Тамашачылар бу хоккейдан ләззәт алсын өчен кызыклы көрәш, кызыклы хоккей күрәсе килә. Без барлык катнашучылар да үзләрен уңайлы хис итсеннәр һәм безнең кунакчыллыгыбыз белән ләззәтләнсеннәр өчен барысын да эшләячәкбез».
Ярышлар Россия Федерациясе Президентының Идел буе федераль округындагы Тулы вәкаләтле вәкиле Игорь Комаров патронаты астында, Татарстан Республикасы спорт министрлыгы һәм Татарстан Республикасы Хоккей федерациясе ярдәмендә уздырыла.
Турнир «Россия спорты» дәүләт программасы кысаларында Яшьләр арасында спортны һәм физик культураны популярлаштыру максатында үткәрелә.