Казан малайлар арасында дзюдо буенча «Бердәмлек Кубогы»беренче халыкара турнирын кабул итте
Ярышларда Россия, Әрмәнстан, Казахстан һәм Таҗикстаннан 2012/2013 һәм 2014/2015 елгы меңнән артык яшь спортчы катнашты.
Турнир халыклар дуслыгын һәм бердәмлеген ныгытуга, илләр арасында спорт элемтәләрен үстерүгә, сәламәт яшәү рәвешен популярлаштыруга һәм үсеп килүче буында патриотизм хисе формалаштыруга юнәлдерелгән. Татарстан Республикасы башкаласы Халыкара спорт һәм хезмәттәшлек үзәге статусын раслый.
Ярышларның ачылуы балалар һәм яшүсмерләр спорты дөньясында зур вакыйга булды. Ачылышта Татарстан Республикасы спорт министры урынбасары Алмаз Хөсәенов катнашты.
Чараның инициаторы һәм оештыручысы - «Витязь» спорт клубы һәм «Батыр»дзюдо үзәге белән берлектә Татарстан Республикасы дзюдо федерациясе. Ярышларның генераль партнеры-Дзюдо федерациясе президиумы әгъзасы Алексей Ваничков.
Ярышлар йомгаклары буенча җиңүчеләргә медальләр, дипломнар, кыйммәтле бүләкләр һәм акчалата премияләр бирелде.