Татарстанның динамочылары-министр Кубогын яулаучылар
Бүген Казанда хокук саклау органнары ветераннары арасында волейбол буенча XX министр кубогы тәмамланды. 14 мәртәбә җиңү трофеен «Динамо-Татарстан»командасы яулады.
Финал бәйгесендә Татарстанның «Динамо» волейболчылары Самара өлкәсеннән клубташларын 2:0 исәбе белән җиңде. Җиңүчеләрне беренче булып Татарстан Республикасы Рәисе Администрациясе җитәкчесе, Татарстан Республикасы «Динамо» физкультура-спорт җәмгыяте рәисе Әсгать Сәфәров котлады. Ул волейболчыларга фидакарь хезмәтләре һәм турнирда матур җиңүләре өчен рәхмәт белдерде.
Самара спортчылары турнирның көмеш призерлары булдылар.
Бронза медальләр өчен уенда Башкортстан динамочылары Калуга өлкәсе динамочыларын җиңде-2: 0.
Исегезгә төшерәбез, генерал-лейтенант Салих Япеев истәлегенә багышланган ярышлар 2007 елдан бирле үткәрелә.
Быелгы юбилей турнирында 10 Динамо командасы – Ульяновск, Самара, калуга, Киров өлкәләреннән, Башкортостан, Марий Эл, Чувашия Республикаларыннан, Татарстаннан, "Динамо-32" (Россия ФСИН) һәм Таҗикстан Республикасыннан "Динамо-ЭЭМ" командалары катнашты. Шулай ук 70+ старт иптәшләрчә матчында Россия Иминлек органнарының «Отдушина» командасы һәм турнирның «Динамо»ветераннар җыелма командасы уйнады.