Казанда менталь үзенчәлекләре булган кешеләр өчен спорт прорфессияләренең инклюзив фестивале узды
30 ноябрь көнне спортның ишү төрләре үзәгендә «спорт-сәламәтләндерү һөнәрләре дөньясы»инклюзив фестивале узды. Бу вакыйга спортның кешеләрне берләштерергә, яңа мөмкинлекләр ачарга һәм һәркемнең үз-үзен тормышка ашыру өчен пространство булдырырга сәләтле булуын ачык дәлилләде.
2024 елда гражданлык җәмгыятен үстерүгә Татарстан Республикасы Рәисе гранты ярдәмендә гамәлгә ашырылган Фестиваль берничә мөһим юнәлешне колачлады.
Төп моментларның берсе һөнәри күнекмәләр конкурсы булды. Биредә тренерларның ярдәмчеләре – менталь үзенчәлекләре булган кешеләр, шул исәптән Аутистик спектр тайпылышларын да кертеп, - тәҗрибәле остазлар белән бергә катнашучылар өчен нейрогимнастика, флорбол һәм биюләр буенча дәресләр үткәрделәр. Бу үз осталыгыңны һәм күнекмәләреңне күрсәтү өчен уникаль мөмкинлек булды.
Шулай ук түгәрәк өстәл узды, анда белгечләр һәм ата-аналар актуаль мәсьәләләр буенча фикер алыша, уртак карарлар таба һәм алга таба ярдәм итү юлларын билгели алдылар.
Барлык катнашучылар өчен дә шатлык һәм активлык атмосферасы хөкем сөргән интерактив зоналар оештырылды. Төрле спорт уеннары, мавыктыргыч мастер-класслар, шулай ук спорт һәм туристик сынаулар катнашучыларга бик күп уңай хис-кичерешләр һәм онытылмас тәэсирләр бүләк итте.
«Спорт-сәламәтләндерү һөнәрләре дөньясы» инклюзив фестивале, «махсус тренерның инклюзив академиясе» проектының йомгаклау чарасы буларак, чын пространствога әверелде, анда һәр кеше үз потенциалын ачарга, үз сәләтен табарга һәм үзен команданың кыйммәтле әгъзасы итеп тоярга мөмкинлек алды.