Казанда Россия Көрәш федерациясе хисап-сайлау конференциясе узды
5 декабрьдә Казанда Татарстан Республикасы спорт министрлыгының конференц‑залында Россия Көрәш федерациясенең хисап‑сайлау конференциясе булды. Чара көрәш буенча Россия Кубогы алдыннан узды һәм төбәк бүлекчәләре вәкилләрен, спорт функционерларын һәм мәртәбәле кунакларны җыйды.
Конференция барышында федерациянең хисап чорындагы эшчәнлеге турында киңәйтелгән хисап тәкъдим ителде. Докладта төп казанышлар яктыртылды:
- РФ төбәкләрендә көрәш үсеше географиясен киңәйтү;
- бөтенроссия һәм халыкара ярышлар уздыру;
- милли спорт оешмалары белән партнерлык элемтәләрен ныгыту.
Федерация үсешенең масштаблы күрсәткечләре аерым игътибарга лаек. Бүген аңа Россия Федерациясенең 63 төбәге керә. Аларның 53 төбәге дәүләт аккредитациясе алды инде. Россия спорт министрлыгының рәсми сайтындагы актуаль исемлеккә караганда, 46 Федерация рәсми рәвештә теркәлгән-бу көрәшнең спорт төре буларак барлыкка килү тарихында иң югары күрсәткечләр.
Конференциянең мөһим этабы булып чираттагы дүрт елга Россия Көрәш Федерациясе Президентын сайлаулар торды. Тавыш бирү нәтиҗәләре буенча оешманың җитәкчесе итеп яңадан Җәүдәт Миңнәхмәтов — Федерациягә нигез салучы һәм алыштыргысыз җитәкчесе сайланды.
"Безнең алда Россиядә һәм аннан читтә көрәшне үстерү буенча масштаблы бурычлар тора. Без Россиядә һәм халыкара аренада көрәшне үстерү буенча инфраструктураны ныгыту эшен дәвам итәчәкбез", - дип билгеләде Миннәхмәтов.
Көн тәртибендәге төп мәсьәләләрнең берсе көрәш спорт төре кагыйдәләренә тәкъдим ителгән үзгәрешләр турында фикер алышу булды. Конференциядә катнашучылар регламентларны камилләштерү инициативаларын җентекләп карадылар. Дискуссия нәтиҗәләре буенча профильле спорт ведомствосы белән килештерү өчен тәкъдимнәр пакеты төзелде.