Азнакайда инвалидлар декадасы кысаларында спорт чаралары һәм ГТО нормаларын үтәү узды
2025 елның 5 декабрендә Азнакайның «Чатыр-тау Арена» универсаль спорт залында мөмкинлекләре чикләнгән кешеләр өчен Инвалидлар декадасына багышланган спорт бәйрәме узды.
Чара физик культураны һәм спортны популярлаштыруга, актив яшәү рәвешенә җәлеп итүгә юнәлдерелгән иде, шулай ук катнашучыларга үз көчләрен сынап карау мөмкинлеге бирде. Ярышлар программасына популяр дисциплиналар — дартс, өстәл теннисы, армрестлинг һәм шашка, шулай ук «Хезмәткә һәм оборонага әзер» (ГТО) Бөтенроссия физкультура-спорт комплексы нормативларын үтәү: баскан килеш алга авышу һәм урыннан озынлыкка сикерү кертелгән иде.
Спорт бәйрәмендә "Актүбә сәламәтлеге мөмкинлекләре чикләнгән балалар өчен мәктәп-интернат" ДББУ тәрбияләнүчеләре актив катнашты.
Ярышлар йомгаклары буенча призерлар мактау грамоталары һәм медальләр белән бүләкләнделәр. Көн барлык катнашучылар өчен бәйрәм ашы белән тәмамланды, бу җылы, дустанә атмосфера тудырды.
Әлеге чаралар «Россия спорты» дәүләт программасын гамәлгә ашыру кысаларында үткәрелә һәм халыкның барлык категорияләре арасында, сәламәтлеге мөмкинлекләре чикләнгән балалар һәм яшьләрне дә кертеп, физик культураны һәм спортны популярлаштыруга юнәлдерелгән.