Түбән Кама интернат-мәктәбендә «Спорт наркотикларга каршы»спорт чарасы узды
25 ноябрь көнне Түбән Кама мөмкинлекләре чикләнгән балалар интернат-мәктәбендә «Спорт наркотикларга каршы»спорт чарасы булып узды. Анда 7-9 сыйныф укучылары катнашты. Акциянең максаты сәламәт яшәү рәвешен пропагандалау һәм яшүсмерләр арасында тискәре күренешләрне профилактикалау булды.
Программага девизлы командалар тәкъдим итү һәм волейбол буенча спорт уены кертелгән иде. Ярышларда катнашучылар спорт күнекмәләрен һәм команда бердәмлеген генә күрсәтеп калмадылар, зарарлы гадәтләргә альтернатива буларак физик культураның мөһимлеге турында профилактик әңгәмәләрдә дә катнаштылар.
Чара йомгак ясау һәм иң актив катнашучыларны бүләкләү белән тәмамланды. Мондый акцияләр яшүсмерләрдә тотрыклы тормыш ориентирлары, үз сәламәтлекләренә кыйммәтле мөнәсәбәт һәм даими рәвештә спорт белән шөгыльләнүгә мотивация формалаштыруга ярдәм итә.