Казанда полиция хезмәткәрләре укучылар белән наркоманияне профилактикалау буенча лекция үткәрде
«Чиста буын -2025» ведомствоара оператив-профилактик операция кысаларында шәһәрнең бер мәктәбенең 8-9 сыйныф укучылары өчен полиция хезмәткәрләре белән очрашу булды.
Сүз балигъ булмаганнарны наркотик матдәләрнең законсыз әйләнешенә кертүне кисәтү чаралары һәм наркотиклар куллануга тискәре мөнәсәбәт формалаштыру һәм сәламәт яшәү рәвешен пропагандалау турында барды.
Наркотиклар әйләнешен контрольдә тоту бүлегенең өлкән оперуполномоченные, полиция майоры Вероника Ветошкина наркотикларның кеше организмына зарарлы йогынтысын аңлатты, административ җаваплылык мәсьәләләренә, Интернет челтәрендә наркотикларны пропагандалауга игътибар бирде. Наркоҗинаятьләр кылган өчен Россия Федерациясе законнарында җинаять җаваплылыгы каралуын да искәртте. Сәламәт яшәү рәвеше алып барырга һәм үз тирәлегенә игътибарлы булырга киңәш итте.
Балалар игътибар белән слция тыңладылар, тема белән кызыксынып, сораулар бирделәр. Очрашу кызыклы һәм файдалы булды.