Татарстан Чусоводагы этаптан соң чаңгы ярышлары буенча Россия Кубогында ышанычлы алда бара

Чусов шәһәрендә узган чаңгы ярышлары буенча Россия Кубогының ФосАгро өченче этабында Татарстан спортчылары берничә югары бүләк яуладылар һәм гомумкоманда зачетында ышанычлы җитәкчелек иттеләр.

Ир-атлар арасында ирекле стиль белән спринтта мактау пьедесталын республика вәкилләре бүлеште. Алтын медальне Сергей Ардашев, көмеш медальне Сергей Волков яулады. Хатын-кызлар арасында шушы ук дисциплинада Вероника Степанова берсүзсез җиңү яулады.

Озын дистанцияләргә узышларда Татарстан командасының уңышы дәвам итте. Вероника Степанова ирекле стиль белән 10 чакрымга персьютта җиңү яулады. ир-атлар арасында 15 чакрымга узышта тагын алтын медаль яулаган Сергей Ардашев аерылып торды. Бу дисциплинада көмеш медальне Александр Большунов алды.

Өченче этап нәтиҗәләре буенча Татарстан Республикасы җыелма командасы, 3388 очко җыеп, Россия Кубогының гомумкоманда зачетында зур аерма белән алда бара. Икенче урында — Төмән өлкәсе командасы (1940 очко), өченче урында — Коми Республикасы җыелма командасы (1533.5 очко).