Апас районында йөзү буенча гомуми белем программасында катнашучылар өчен йөзү буенча ярышлар тәмамланды

2025 елның 14 декабре, якшәмбе

Апас муниципаль районында район башлыгы призына йөзү буенча ярышлар узды. Анда тренер-укытучы Дмитрий Дрожецкий җитәкчелегендә 2025 елның сентябреннән «йөзү буенча гомуми белем бирү» программасы кысаларында шөгыльләнгән балалар катнашты.

2014 елда туган һәм аннан яшьрәк спортчылар үзләштергән күнекмәләрен күрсәттеләр, яшь буенча өч төркемдә ярыштылар. Ярышлар программасына 25 һәм 50 метрлы дистанцияләргә брасс, ирекле стиль һәм аркада йөзү, шулай ук махсус җайланмалар кулланып йөзү кертелгән иде.

Ярышларда катнашучыларның барысына да «25 метр йөзә беләм» һәм «50 метр йөзә беләм»дигән истәлекле билгеләр бирелде. Һәр дисциплинада һәм яшь категориясендә җиңүчеләр медальләр, грамоталар һәм кыйммәтле бүләкләр белән бүләкләнделәр.