Татарстан чаңгычылары Ижауда Россия Кубогының IV этабында өч медаль яулады

2025 елның 22 декабре, дүшәмбе

Анастасия Фалеева һәм Сергей Ардашев шәхси узышларда призлы урыннар алдылар. Татарстан җыелма командасы команда зачетында алда бара.

Ижауда чаңгы узышлары буенча Россия Кубогының IV этабында Татарстан Республикасы спортчылары өч медаль яулады.

Анастасия Фалеева спринтта классик стильдә икенче булды. Сергей Ардашев спринтта өченче урынны алды һәм 20 км га классик стильдә шәхси узышта җиңү яулады.

IV этап нәтиҗәләре буенча Татарстан Республикасы җыелма командасы Россия Федерациясе субъектлары арасында рәсми булмаган команда зачетында 6891 очко белән беренче урынны били. Икенче урында — Төмән өлкәсе командасы (3730), өченче урында-Коми Республикасы командасы (3259.5).