Зәйдә чаңгы ярышлары буенча Татарстан Чемпионатының беренче туры җиңүчеләре билгеле булды
Шәхси зачетларда Христина Мацокина һәм Радим Васильев җиңү яулады. Шәһәрләр арасында команда зачетында Зәй лидер булды.
Зәйдә чаңгы ярышлары буенча Татарстан Республикасы Чемпионатының беренче ярыш көне тәмамланды. Шәхси зачетларда җиңүчеләр һәм призерлар билгеләнде, шулай ук шәһәрләр һәм районнар арасында команда зачетына башлангыч йомгаклар ясалды.
Хатын — кызлар арасында беренче урынны Зәйдән Христина Мацокина алды, икенче урынны — Ирина Ибраһимова (Зәй), өченче урынны Балтач районыннан Алия Исрафилова алды. Ир — атлар арасында Агерҗедән Радим Васильев җиңүче булды, икенче урында — Роман Владыкин (КазУОР), өченче урында-Сарман районыннан Булат Филатов.
Шәһәрләр арасында команда зачетында Зәй 531 очко белән лидер булды, икенче урында-Чаллы (424 очко), өченче урында — Агерҗе (397 очко). Алга таба таблицада Казан (344), Түбән Кама (177), Яшел Үзән (161), Алабуга (61), Минзәлә (58), Әлмәт (18) урын алган. Авыл районнары арасында беренче урында — Сарман районы (158 очко), икенче урында — Балтач районы (129), өченче урында-Саба районы (121).