Казанда Чаңгы узышлары буенча Россия Кубогының VI этабы узачак
2026 елның 15-18 гыйнварында Казанда «Мирный» чаңгы-биатлон комплексы базасында Чаңгы узышлары буенча Россия Кубогының VI этабы узачак. Ярышларга илнең иң көчле чаңгычылары, шул исәптән Олимпия чемпионнары, дөнья һәм Бөтенроссия беренчелекләре призерлары җыелачак.
Ярышлар программасында-ирекле стиль белән 10 һәм 15 километрга узышлар, классик стиль белән спринт һәм скиатлон (10+10 км). Медальләр өчен дисциплиналарда Россия Федерациясенең 32 субъектыннан һәм Беларусь Республикасыннан 230 дан артык спортчы көрәшәчәк. Алар арасында Олимпия чемпионнары Александр Большунов, Алексей Червоткин, Денис Спицов, Юлия Ступак, Вероника Степанова, Татьяна Сорина, шулай ук Олимпия уеннары призерлары Александр Терентьев һәм Иван Якимушкин бар. Шулай ук яшүсмерләр арасында дөнья чемпионатларында җиңүчеләр һәм призерлар, шул исәптән Татарстан данын яклаучылар Лидия Горбунова, Анастасия Фалеева, Иван Горбунов, Сергей Ардашев, Денис Филимонов та үз көчләрен күрсәтәчәк.
Мавыктыргыч узышлардан тыш, тамашачыларны ким дигәндә бай программа көтә – җәмәгать туклануы нокталары, конкурслар һәм кыйммәтле призлар уйнатулар. Ярышларга керү ирекле.