Түбән Камада чаңгы батальоны батырлыгы истәлегенә чаңгы узышлары буенча Ачык Кубок узачак
25 гыйнварда Түбән Камада Батыр ФОК базасында 80 нче аерым чаңгы батальоны батырлыгы истәлегенә багышланган чаңгы узышлары буенча VI Ачык Кубок узачак.
Ярышлар патриотик тәрбия бирү, чаңгы спортын һәм сәламәт яшәү рәвешен популярлаштыру максатында үткәрелә. Катнашуга төрле яшьтәге спортчылар чакырыла: егетләр һәм кызлардан алып спорт ветераннарына кадәр. Программа яшь категорияләре буенча хатын-кызлар өчен 3 км һәм ир-атлар өчен 5 км йөгерүне, шулай ук һәвәскәрләр өчен вакытны исәпкә алмыйча 1,5 км дистанциягә массалы стартны үз эченә ала.
Катнашучылар ярышлар көнендә 8:00 дән 10:00 гә кадәр теркәләчәк. Тантаналы ачылыш 10:30га, беренче стартлар — 11:00гә планлаштырылган.
Нигезләмәдә тулырак мәгълүмат.
Ярышларны әзерләү һәм уздыруга гомуми җитәкчелекне Түбән Кама муниципаль районы Башкарма комитетының Физик культура һәм спорт идарәсе башкара.